Խաչատուրովի ձերբակալությունը հաղթանակած զինվորականներին արժեզրկելու հերթական արարն է. Բագրատ Սրբազան
Գեներալ-մայոր Գրիգորի Խաչատուրովն իմ ընկերն է ու եղբայրը, իր հետ ճանապարհ ենք անցել, Տավուշում Խաչատուրովի ներդրումն ու ձեռագիրը մեծ է։ Խաչատուրովի կողմից կորպուսի ղեկավարման շրջանում հայրենիքից ոչ մի թիզ չի նվազել, հակառակը՝ ընդլայնվել է: Այս մասին 24TV-ի հաղորդման ժամանակ ասաց Տավուշի թեմի առաջնորդ Բագրատ արքեպիսկոպոս Գալստանյանը՝ անդրադառնալով 3-րդ բանակային կորպուսի նախկին հրամանատար Գրիգորի Խաչատուրովին ձերբակալելու գործընթացին:
«Տավուշյան մարտերի ժամանակ Գրիգորի Խաչատուրովի հաղթանակով իշխանությունն իր փառքն էր հյուսում, իշխանության ղեկին կանգնած մարդուն նույնիսկ մարտական մկրտություն էին վերագրում: Սա հաղթանակած զինվորականներին արատավորելու հերթական արարն է, հասարակության աչքին նսեմացնելու և արժեզրկելու գաղափար, որ բանակ չենք ունեցել, ինչպես որ բարբաջում են»,- ավելացրեց նա:
