Բաքվում մեկնարկել են եռակողմ զորավարժություններ

Ադրբեջանի մայրաքաղաք Բաքվում մեկնարկվել են Թուրքիայի, Ադրբեջանի և Վրաստանի մասնակցությամբ համակարգչային հրամանատարաշտաբային զորավարժությունները։

Ինչպես նշվում է Արդբեջանական Գերատեսչության հայտարարության մեջ՝ նպատակը երեք երկրների զինված ուժերի միջև փոխհամագործակցության և համահարթեցումն ու ամրապնդումն է։

Ադրբեջանի պաշտպանության նախարարության հաղորդագրության մեջ նշվում է, որ Eternity-2023 զորավարժությունները մեկնարկել են Ադրբեջանի պաշտպանական ազգային համալսարանի ռազմական կառավարման ինստիտուտի ռազմական խաղերի կենտրոնում:

Տեսական և գործնական մասերից բաղկացած զորավարժությունների ընթացքում իրականացվելու են ռազմավարական նշանակություն ունեցող օբյեկտների պաշտպանությանն ուղղված առաջադրանքներ ՝ երեք երկրների զինծառայողների և համապատասխան պետական կառույցների ներկայացուցիչների մասնակցությամբ:

Զորավարժությունները կշարունակվեն մինչև հոկտեմբերի 6-ը: