Մայրը ծեծել է դստերը, ապա իր մյուս երեխաներին ստիպել միզել նրա վրա․ ոստիկանությունն ու ՄԻՊ-ը զբաղվում են
Երեկ համացանցում հրապարակվեց տեսանյութ, որում երևում է՝ ինչպես է մայրն իր անչափահաս դստեր նկատմամբ բռնություն կիրառում, նրան հարվածներ հասցնում, մերկացնում, ապա իր մյուս անչափահաս երեխաներին ստիպում միզել քրոջ վրա։
Մարդու իրավունքների պաշտպանի աշխատակազմում սկսվել է դեպքի առնչությամբ ուսումնասիրություն։
Երեխայի լավագույն շահից ելնելով` Պաշտպանը հորդորում է չտարածել սոցիալական ցանցերում հայտնված տեսանյութը՝ զերծ մնալով երեխային նույնականացնող անձնական տվյալները հրապարակելուց։
Պաշտպանը հատուկ ընդգծում է, որ յուրաքանչյուր երեխայի լավագույն շահն առաջնահերթություն է։ Պետությունն ունի պարտավորություն` ձեռնարկելու անհրաժեշտ և բավարար միջոցներ՝ երաշխավորելու երեխայի պաշտպանությունը բռնությունից։
Պաշտպանը գրություններ է հասցեագրելու իրավասու պետական մարմիններին` իրենց իրավասության շրջանակներում անհրաժեշտ գործողություններ ձեռնարկելու պահանջով։
Ոստիկանությունից էլ հայտնում են, որ տեսանյութին ծանոթ են, այս պահին ուսումնասիրում են այն։
