Տիգրան Ավինյանը «Գազելը» վարել է առանց համապատասխան վարորդական վկայականի. սա արդեն երկրորդ դեպքն է

Երևանի փոխքաղաքապետ Տիգրան Ավինյանն օրենքի խախտմամբ է վարել «Երևանի վերջին Գազել»-ը, որի շուրջ գովազդային հոլովակ էր պատրաստել Երևանի քաղաքապետարանը։ Ավինյանը հանրային տրանսպորտ վարելու համար պետք է ունենար D կարգի վարորդական վկայական, սակայն այդ վկայականը նա չունի, գրում է civilnet.am-ը։

ՍիվիլՆեթը ոստիկանության համապատասխան բազայից ձեռք է բերել Տիգրան Ավինյանի կողմից տրանսպորտային միջոցներ վարելու իրավունքների մասին տեղեկություններ։ Այդ տվյալների համաձայն՝ նա ունի B կարգի վարորդական վկայական, որը ստացել է 2017-ին։

Առաջին անգամը չէ, երբ Ավինյանը չունենալով համապատասխան փաստաթուղթ, վարում է հանրային տրանսպորտ։ 2022-ի դեկտեմբերին նա հրապարակել էր մի տեսանյութ, որտեղ վարում էր Հայաստան մտնող գերմանական MAN ավտոբուսը։