Սեղանին պիտի դրվի ՆԱՏՕ-ից Թուրքիայի հեռացման հարցը․ Bloomberg
Ամերիկյան «Bloomberg» գործակալությունն անդրադարձել է ՆԱՏՕ-Թուրքիա փոխհարաբերություններին՝ նշելով որ դաշինքի առաջնորդները պետք է ճնշում գործադրեն Էրդողանի վրա, որպեսզի վերջինս հավանություն տա սկանդինավյան երկրների անդամակցությանը ՆԱՏՕ-ին:
Հակառակ պարագայում, ըստ ամերիկյան լրատվական գործակալության հրապարակած հոդվածի, պետք է օրակարգ բերվի Թուրքիային ՆԱՏՕ-ից վտարելու հարցը:
«Bloomberg»-ի առաջարկի համաձայն՝ ՆԱՏՕ-ի առաջնորդները պետք է ճնշեն Էրդողանին, որպեսզի նա հավանություն տա սկանդինավյան երկրների անդամակցությանը ամենաուշը մինչև մայիսի 18-ը: Եթե Թուրքիան դիմադրի, ապա ԱՄՆ Կոնգրեսը պետք է պատասխան տա՝ դադարեցնելով F-16 կործանիչների վաճառքը Անկարային: ՆԱՏՕ-ն պետք է նվազեցնի Թուրքիայի մասնակցությունը համատեղ աշխատանքներին, զորավարժություններին, և Էրդողանը չպետք է մասնակցի հուլիսին կայանալիք ՆԱՏՕ-ի ղեկավարների գագաթնաժողովին:
