Մարդը պատրաստ է Արցախը հանձնել, Նեմեսիսի հուշարձանն ինչ է, որ չքանդի՝ կատարելով Թուրքիայի պահանջը
Մարդը պատրաստ է Արցախը հանձնել, Նեմեսիսի հուշարձանը ի՞նչ է, որ չքանդի, եթե այս մարդիկ պատրաստ են երկիրը հանձնել, հուշարձանի լինել-չլինելը ի՞նչ է փոխելու: 24TV-ի հաղորդման ժամանակ նման կարծիք հայտնեց ՀԱԵ Շիրակի թեմի առաջնորդ Միքայել արքեպիսկոպոս Աջապահյանը:
«Թող Հայաստանն էլ թուրքական օդանավերի դիմաց իր օդային տարածքը փակի, ի՞նչ խնդիր կա, թող պատասխան քայլ անի, եթե կարող է: Ամեն գործողություն պահանջում է համարժեք քայլ, մինչև հիմա որևէ գործողության համարժեք չենք պատասխանել: Այս իշխանությունն ամեն ինչից ֆոբիա ունի, ինչո՞ւ Թուրքիան առաջ նման պահանջներ չուներ, տեսել է՝ թույլ, տկար, անողնաշար իշխանություն է, իր պահանջները խստացնում է, ուզում է մեզ մինչև վերջ նվաստացնել»,- ավելացրեց արքեպոսկոպոսը:
