Բայդենի տարիքը Միացյալ Նահանգների համար վտանգ է ներկայացնում. Ներկայացուցիչների պալատի նախագահ
ԱՄՆ նախագահ Ջո Բայդենի տարիքը երկրի համար վտանգ է ներկայացնում։ Նման կարծիք է հայտնել Ներկայացուցիչների պալատի նոր նախագահ Մայք Ջոնսոնը՝ (հանրապետական Լուիզիանայից) լրագրող Շոն Հանիթիին տված հարցազրույցում, որը հեռարձակվել է Fox News հեռուստաալիքով։
«Այո, կարծում եմ, որ մեզանից շատերն այդպես են մտածում», – պատասխանել է Ջոնսոնն այն հարցին, թե արդյոք նա Բայդենի մոտ նկատում է «մտավոր կարողությունների նվազում» և արդյոք նա դրանում Միացյալ Նահանգների համար վտանգ է տեսնում : «Դա անձնական թերություն չէ, բայց դա կապված է տարիքի և բանականության հետ, բոլորը տարբեր կերպ են ծերանում: Եվ մենք մտահոգված ենք, որ այժմ ժամանակը չէ համաշխարհային բեմում մեր թուլությունը ցույց տալու համար։ Վտանգավոր ժամանակներ են, աշխարհը վառոդի տակառ է»,- ասել է Ջոնսոնը։
«Ես կարծում եմ, որ [Բայդենի] նախագահությունը ձախողվել է»,- եզրափակել է նա։
