Արցախցի 14-ամյա տղային բերման ենթարկելիս ոստիկանները գլխին հարվածներ են հասցրել
Փաստաբան Լուսինե Վիրաբյանն իր ֆեյսբուքյան էջում գրել է.
«ԾանոթացեքԱրցախի Շեխեր գյուղից 2020 թվականին տեղահանված 14-ամյա Ամուրն է, ինքն էլ անվան պես ամուր տղա։ Այսօր առավոտյան բերման էր ենթարկվել ոստիկանության Քանաքեռ-Զեյթուն բաժին։ Բերման ենթարկվելուց բացի` նաև ֆիզիկական բռնության է ենթարկվել ճանապարհին (հարվածներ գլխին)։
Ամուրը վերջին բերման ենթարկվածն էր, որ ինձ հետ դուրս եկավ բաժնից։ Մնացածը չափահաս էին, բայց միայն Ամուրին 3 ժամ անիմաստ պահեցին բաժնում, թեև` գործողություններն ավարտվել էին։
Դատողությունները` թողնում եմ ձեզ ։
Նկարը հրապարակում եմ ծնողի թույլտվությամբ»։
