Ադրբեջանին ենք փոխանցել խաղաղության պայմանագրի մեր նոր առաջարկները․ Նիկոլ Փաշինյան
Մեր ունեցած տեղեկություններով` Բաքուն տարբեր միջոցներով շարունակաբար տորպեդահարում է Ստեփանակերտի հետ երկխոսությունը պատասխանատվությունը դնելով Լեռնային Ղարաբաղի վրա։ Այս մասին կառավարության նիստին ասաց վարչապետ Նիկոլ Փաշինյանը։
Նա նաև հայտնեց, որ իրենք ադրբեջանական կողմին են փոխանցել Հայաստանի և Ադրբեջանի միջև խաղաղության պայմանագրի իրենց նոր առաջարկները:
«Հայաստանի դիրքորոշումը նույնն է՝ ԼՂ բնակչության իրավունքների և անվտանգության հարցերը պետք է հասցեագրվեն Բաքու-Ստեփանակերտ երկխոսության միջոցով՝ միջազգային մեխանիզմի շրջանակներում»,- ընդգծեց նա։
