ԳՇ պետը վրդովվեց 15 զինվորների մահվան փաստով իր մեղավորության մասին հարցից
ՀՀ ԶՈՒ ԳՇ պետ, գեներալ-մայոր Էդվարդ Ասրյանը, որը բանակի կազմավորման օրվա առթիվ այցելել էր Եռաբլուր զինվորական պանթեոն, վրդովվեց լրագրողների այն հարցից, թե արդյո՞ք ինքն իրեն մեղավոր չի համարում Գեղարքունիքի մարզի Ազատ գյուղում տեղի ունեցած ողբերգության համար, որին զոհ գնացին տասնհինգ ժամկետային զինծառայողներ։ Այս մասին փոխանցում է 24News.am-ը։
«Դուք դատավոր չե՜ք, հեռու՜ պահեք միկրոֆոնները», – բարկացած սկսեց կրկնել Ասրյանն ու այդպես էլ չպատասխանեց լրատվամիջոցների հարցերին։
