ՊՆ նախկին շենքից վտարված ընտանիքներից 13-ին կացարան է տրամադրվել
Պաշտպանության նախարարության նախկին շենքից փետրվարի 16-ին վտարված ընտանիքներից 13-ին տրամադրվել է կացարան։ Այս մասին Yerevanlive-ի հետ զրույցում հայտնեց Աշխատանքի և սոցիալական հարցերի նախարարության խոսնակ Զառա Մանուչարյանը։
Մանուչարյանը հավելեց նաև, որ գործընթացը շարունակվում է, կատարվում է ընտանիքների կարիքների գնահատում։
Նշենք, որ ՊՆ նախկին շենքում բնակվում էին 100-ից ավելի ընտանիքներ, նրանցից 13-ին կացարան է տրամադրվել, իսկ մնացյալները շարունակում են գիշերել դրսում:
